O director xeral de Maiores e Persoas con Discapacidade, Fernando González Abeijón, mantivo esta semana unha reunión con representantes da Asociación de Centros de Día de Galicia (ACDGAL) onde destacou o papel destas instalacións na estimulación cognitiva das persoas maiores e con discapacidade ao permitirlles manter un ritmo de vida activo. Lembrou que este servizo permite que as persoas usuarias poidan seguir vivindo nas súas casas e no seu lugar de sempre ao tempo que reciben coidados, socializan e son atendidas.
González Abeijón fixo fincapé en que o Goberno galego traballa para que as persoas maiores e con discapacidade conten ao seu carón con todo tipo de servizos para decidir de forma libre como e onde desenvolver o seu proxecto de vida. Neste sentido, subliñou que nesta toma de decisións as persoas deben contar con centros de día nas súas proximidades e lembrou que a Xunta multiplicou por catro o número de prazas públicas en centros de día desde o ano 2009 ata chegar ás preto de 4.000 en toda a Comunidade
@xunta.gal